“Alyans.media”nın redaksiyasına daxil olan şikayətdə şəhid ailə üzvü Yeganə İsayeva ciddi iddialar səsləndirib. Onun sözlərinə görə, Sabunçu rayonunda yerləşən 3 saylı şəhər klinik xəstəxananın “İnfeksion” şöbəsində çalışan İradə adlı həkim tərəfindən aldadılıb.
Şikayətçi bildirir ki, sözügedən həkim 2022-ci ildə onlardan 4500 manat pul alaraq 1-ci qrup əlillik təqaüdü düzəldəcəyini vəd edib. Lakin aradan illər keçməsinə baxmayaraq nə vəd edilən sənəd həll olunub, nə də ödənilən məbləğ geri qaytarılıb.
Şəhid ailəsinin sözlərinə görə, məsələ ilə bağlı dəfələrlə həkimlə əlaqə saxlamağa cəhd göstərilsə də, telefon zəngləri ya cavabsız qalıb, ya da müxtəlif bəhanələrlə yayındırılıb.
Məsələ ilə bağlı “Alyans.media” əməkdaşları xəstəxananın mətbuat xidməti ilə əlaqə saxlayıb. Xəstəxanadan bildirilib ki, adı çəkilən həkim etdiyi qanunsuz əməllərlə bağlı işdən azad olunub və onunla əmək müqaviləsinə xitam verilib. Bununla belə, İradə adlı həkimin hazırda başqa bir tibb mərkəzində fəaliyyət göstərdüyü iddia olunur.
Eyni zamanda, İradə adlı həkimin 2023-cü ildə Sabunçu rayon xəstəxanasından vətəndaşların pensiya düzəltmək adı ilə pullarını mənimsədiyi üçün işdən uzaqlaşdırılan Rzaquliyeva İradə Cəlal qızı olduğu da İDDİA olunur.
Faktla bağlı aidiyyəti qurumların araşdırma aparıb-aparmayacağı isə hələlik məlum deyil.
Emil Müzəffərli
