Manyak Aleksey Qaskov 1995-ci ildən bəri 100-dən çox qətl törətdiyini etiraf edib.
“Alyans.media” xəbər verir ki, bu barədə o, “Kommersant”a müsahibəsində deyib.
O, qurbanların dəqiq sayını bilmədiyini bildirib:
“1995-ci ildən başlayaraq, 100-dən çox qətldir – mən onları saymadım və ya yazmadım”.
O, peşman olduğunu və istintaqla əməkdaşlıq etmək üçün etiraflar yazdığını qeyd edib.
Aleksey Qaskov ilk dəfə 2002-ci ilin dekabrında Berdskdə həbs olunub. O vaxt müstəntiqlər onu qətl və təcavüzdə şübhəli bilirdilər: 1999-cu ildən bəri şəhərdə beş qız boğularaq öldürülüb, on qız isə təcavüzə məruz qalıb. Lakin onun cinayəti sübuta yetirilməyib.
2006-cı ilin may ayında o, 11 yaşlı qıza təcavüz etməkdə şübhəli bilinərək həbs edilib. Bir il sonra o, 10,5 il həbs cəzasına məhkum edilib.
O, 2016-cı ildə azadlığa buraxılıb. 2024-cü ilin iyul ayında Moskva vilayətinin İstintaq Komitəsinin müstəntiqləri və polis 2002-ci ildə Moskva vilayətində baş verən qətllər seriyası üzrə maddi sübutların ekspertizasını aparıblar. Cinayət yerlərindən götürülmüş bioloji nümunələrin Aleksey Qaskova məxsus olduğu müəyyən edilib. Hazırda müstəntiqlər onun digər cinayətlərdə iştirakını araşdırırlar.
