Respublika fənn olimpiadalarında qızıl, gümüş və bürünc medallar qazanan, Astronomiya və Astrofizika Olimpiadasında “birincilərin birincisi” adına layiq görülən Selcan, həm də 2025-ci ildə Beynəlxalq Fizika Olimpiadasında bürünc medal qazanıb.
Alyans.media xəbər verir ki, Azərbaycanı beynəlxalq elmi arenada uğurla təmsil edən gəncimiz indi dünyanın ən nüfuzlu universitetlərindən birində yeni zirvələrə doğru yol alır. O, Massaçusets Texnologiya İnstitutunun (MIT) Qəbul Komissiyası tərəfindən yüksək akademik və şəxsi nailiyyətlərinə görə seçilən namizədlərdən biri kimi dəyərləndirilib.
