Azərbaycan və Misir qarşılıqlı biznes missiyalarının təşkili və investisiyaların təşviqi sahəsində əməkdaşlıq perspektivlərini müzakirə ediblər. Alyans.media Reporta istinadən xəbər verir ki, bu barədə Azərbaycan İxracın və İnvestisiyaların Təşviqi Agentliyindən (AZPROMO) məlumat verilib.
Müzakirələr AZPROMO-nun icraçı direktoru Yusif Abdullayevlə Misirin Azərbaycandakı səfiri Hussam-Eldine Reda arasında keçirilən görüşdə baş tutub.
Abdullayev AZPROMO-nun fəaliyyəti və Azərbaycanın Misirlə iqtisadi-ticarət əlaqələri barədə məlumat verib.
Səfir Reda da öz növbəsində iki ölkə arasında iqtisadi tərəfdaşlığın dərinləşdirilməsi və yeni biznes təşəbbüslərinin yaradılması üçün əlverişli şəraitin mövcud olduğunu vurğuladı.
Görüşdə həmçinin əczaçılıq, turizm, nəqliyyat, rabitə, tikinti və infrastruktur da daxil olmaqla potensial əməkdaşlıq sahələri araşdırılıb.
Hər iki tərəf özəl sektor nümayəndələri arasında əlaqələrin genişləndirilməsinin, biznes missiyalarının təşkilinin və qarşılıqlı investisiyaların təşviq edilməsinin vacibliyini vurğuladı.
