Alyans.media xəbər verir ki , İqtisadi İslahatların Təhlili və Kommunikasiya Mərkəzinin məlumatına görə, 2026-cı ilin yanvar-mart aylarında “Azerbaijan International Mining Company Limited” MMC Azərbaycanın özəl şirkətləri arasında qeyri-neft məhsullarının ən böyük ixracatçısı olub.
Göstərilən dövrdə şirkətin məhsul ixracı 85,3 milyon dollar təşkil edib (illik müqayisədə 4,08 dəfə və ya 64,4 milyon dollar çox).
Hesabat dövründə Azərbaycanın qeyri-neft sektorunda fəaliyyət göstərən 10 özəl şirkət 255,6 milyon dollar dəyərində ixrac həyata keçirib ki, bu da 2025-ci ilin müvafiq dövrü ilə (95,9 milyon dollar) müqayisədə 2,6 dəfə və ya 159,7 milyon dollar çoxdur.
Hesabat dövründə Azərbaycanın qeyri-neft-qaz ixracı əvvəlki ilin eyni dövrü ilə müqayisədə dəyər baxımından 11,7% artaraq 862 milyon dollara çatıb.
