Ermənistanın Baş naziri Nikol Paşinyan Azərbaycanın Qarabağ Zəfərinin ildönümündə diqqətçəkən etiraf edib. O, Qarabağın Azərbaycanın tərkib hissəsi olduğunu qəbul edərək bildirib ki, bunu daha əvvəl deməli idi və etmədiyi üçün səhv etdiyini etiraf edib.
Alyans.media xəbər verir ki, Paşinyan bu fikirləri Facebook üzərindən yayımladığı “44 günlük müharibəni necə önləyə bilərdik: mənim səhvim” adlı videomüraciətində səsləndirib.
Xatırladaq ki, Paşinyan 2023-cü ilin mayında Azərbaycanın ərazi bütövlüyünü 86 min 600 kvadrat kilometr daxilində tanıdıqlarını bəyan etmişdi. Bu, Ermənistanın ilk dəfə rəsmi şəkildə “Qarabağ Azərbaycanın torpağıdır” ifadəsini işlətməsi idi.
Azərbaycan 2020-ci ildəki Qarabağ müharibəsində 30 illik işğala son qoyaraq bölgədə yeni reallıq yaratdı. 2023-cü ilin sentyabrında keçirilən antiterror əməliyyatı ilə ölkənin tam suverenliyi bərpa olundu.
Bu gün isə Ermənistan həmin reallığı qəbul edir və sülh prosesi istiqamətində addımlar atır.
