Ermənistanın Antikorrupsiya Məhkəməsinin hakimi Karen Amiryan Rusiya əsilli erməni iş adamı Samvel Karapetyanın vəkillərinin apellyasiya şikayətini rədd edib.
Alyans.media xəbər verir ki, bu barədə “Hraparak” məlumat yayıb.
Xatırladaq ki, iyunun 18-də hüquq-mühafizə orqanları Samvel Karapetyanı saxlamış, daha sonra məhkəmədə konstitusiya quruluşunun zorla dəyişdirilməsinə çağırış ittihamı ilə onun barəsində həbs qətimkan tədbiri seçilmişdi. İttiham onun kütləvi çıxışında “siyasətçilər bu işi yerinə yetirə bilməsələr, biz öz tərzimizlə müdaxilə edəcəyik” deməsi ilə əsaslandırılıb.
Qeyd edək ki, S. Karapetyan 4.5 milyard dollar sərvətə malikdir. O, Rusiyada sənaye və tikinti korporasiyası olan “Tashir” qrupun qurucusudur.
