İsrailin baş naziri Benyamin Netanyahu prezident İshaq Hersoqa rəsmi şəkildə əfv müraciəti təqdim edib.
Alyans.media Modern.az-a istinadən xəbər verir ki, bu barədə ölkə prezidentinin ofisinə istinadən The Times of Israel məlumat yayıb.
Herzoq administrasiyasının nümayəndələrinin sözlərinə görə, Ədliyyə Nazirliyinin əfv şöbəsi nazirliyin bütün aidiyyəti qurumlarının rəylərini toplayacaq və sonra tövsiyələri hüquqi müşavirlərə təqdim edəcək.
İsrail prezidenti məhkəmə qərarı ilə məhkum olunmuş şəxsləri əfv edə bilər və çox nadir hallarda – məhkəmə prosesi başa çatmamışdan əvvəl də əfv qərarı verə bilər. Lakin burda bir şərt var ki, qərar yalnız ictimai marağa uyğun olduğu halda verilir.
Qeyd edək ki, Netanyahuya qarşı korrupsiya istintaqı 2016-cı ilin dekabrında başlayıb, 2019-cu ildə isə ona bir neçə korrupsiya işi üzrə rəsmi ittiham irəli sürülüb. Netanyahu ittihamları rədd edir. İsrail baş naziri, xüsusilə, milyarder və Hollivud prodüserindən şəxsi və işgüzar maraqlarına dəstək qarşılığında on minlərlə dollar dəyərində hədiyyələr – siqarlar və şampan – qəbul etməkdə ittiham olunub. Netanyahu həmçinin özünün və ailəsinin fəaliyyətinə müsbət media işıqlandırması əldə etmək üçün media maqnatlarına kömək etməkdə də şübhəli bilinir.
Noyabr ayının ortalarında ABŞ prezidenti Donald Tramp Hersoqa müraciət edərək Netanyahunun əfv edilməsini xahiş etmişdi. Netanyahu isə bildirmişdi ki, əgər bu, onun günahını etiraf etməsi anlamına gələcəksə, korrupsiya işi üzrə əfv istəməyəcək.
