Ağsu rayonunda ölümlə nəticələnən yol-nəqliyyat hadisəsi baş verib.
Alyans.media Qafqazinfo-ya istinadən xəbər verir ki, hadisə Muğanlı–İsmayıllı avtomobil yolunun rayonun Qırlar kəndi ərazisindən keçən hissəsində qeydə alınıb.
Belə ki, hərəkətdə olan “Mercedes” markalı minik avtomobili idarəetmədən çıxaraq aşıb.
Qəza nəticəsində sürücü, 1994-cü il təvəllüdlü Orucov Faiq Şükür oğlu və avtomobildə olan digər şəxslər müxtəlif dərəcəli ağır bədən xəsarətləri alaraq xəstəxanaya yerləşdiriliblər.
Avtomobildə olan 2002-ci il təvəllüdlü, Balakən rayon sakini Orucova Kəmalə isə hadisə yerində dünyasını dəyişib.
DİN-in Mətbuat Xidmətinin regional qrupundan bildirilib ki, faktla bağlı cinayət işi başlanılıb, araşdırma aparılır.
