Lerik rayonunda yol-nəqliyyat hadisəsi baş verib.
Alyans.media-nın məlumatına görə, qəza səhər saatlarında qeydə alınıb.
Belə ki, Bakıdan Lerik istiqamətində hərəkətdə olan “Mercedes Vito” markalı minik avtomobili idarəetməni itirərək dərəyə aşıb.
Hadisə nəticəsində avtomobildə olan sürücü və sərnişinlər müxtəlif dərəcəli bədən xəsarətləri alıblar.
6 nəfər kişi cinsli şəxs Lənkəran Rayon Mərkəzi Xəstəxanasının Təcili Tibbi Yardım şöbəsinə yerləşdirilib.
Faktla bağlı araşdırma aparılır.
