Gürcüstan hökuməti 29 dekabr tarixli sərəncamla Gürcüstan-Azərbaycan sərhəd-keçid məntəqəsində sərbəst ticarət və anbar fəaliyyətinin həyata keçirilməsinə icazə verib.
Alyans.media xəbər verir ki, icazə sərhəd-keçid məntəqəsinin “yaşıl zonası”nda yerləşən torpaq sahəsinə aiddir.
İlkin məlumata görə, bu ərazidə “rüsumsuz ticarət zonası” genişləndiriləcək. Belə ki, sərəncama əsasən, Gürcüstan-Azərbaycan sərhəd zonasında yerləşən torpaq sahəsində müəyyən iqtisadi fəaliyyət növlərinə, xüsusən də Gürcüstan qanunvericiliyi ilə müəyyən edilmiş qaydada anbarın tikintisinə və istismarına icazə verilib.
Söhbət 162 və 156 kvadratmetrlik torpaq sahələrindən gedir.
Analoji qərar Ermənistanla sərhəddəki Sadaxlı sərhəd-keçid məntəqəsinə də şamil edilib. Burada da iki torpaq sahəsi (211 və 124 kvadratmetrlik) eyni məqsədlə ayrılıb.
