“Bu gün bir daha Kapitalbankın nə qədər inzibati resurslara güvənərək bərbad halda olduğunun şahidi oldum”.
Alyans.media Konkret.az-a istinadən xəbər verir ki, bu sözləri Razi Abbasbəyli deyib.
Onun sözlərinə görə, deməli, “Western Union” pulköçürmə sistemi ilə Türkiyəyə pul yollamalı idim. “20 Yanvar”dakı “Bravo”da olan Kapitalbankın “Birbank” filalına getdim. Mənə dedilər ki, sürətli beynəlxalq pul köçürməsi sistemindən istifadə etmək üçün onlayn növbə götürməlisiniz. Təəccübləndim əslində. “Sürətli”, “Beynəlxalq pul köçürmə” və onlayn növbə. Nə isə yaxınlaşdım filala. Xanım dedi ki, yaxın bir saat ərzində Xırdalan filalına onlayn növbə götürə bilərsiniz. Növbəni götürdüm və dedilər ki, saat 14:00 da olun “Xirdalan” filalında olun. Getdim Xırdalandakı filala dedilər bura “Abşeron” filalıdır. Sən demə Xırdalanda iki filal var imiş və bunu mən deməyiblər. Nə isə gedib tapdım o filalı. Növbəm çatdı yaxınlaşdım bank əməkdaşına.
“Məlum oldu ki, Western Union sistemi işləmir. Dedim 3 saatdır yollardayam, niyə demirsiniz ki, sistem işləmir. Nəysə “nəhlət şeytana” deyib susdum. Və bu Kapitalbankın “istedadlı” əməkdaşı başladı ki, “niyə debüt karta atmırsınız?”, “Cəmi 1.5 faiz komissiya tutulur”. O qədər israr etdi ki, Türkiyəyə, bəlli Universitetin tələbəsi ilə danışırdım”.
“Xanım israr edir, hazırda Türkiyənin 1 nömrəli Universitetində təhsil alan iqtisadçı oğlu iqtisadçı da bu xanıma başa sala bilmir ki, 1000 azn köçürməyə azı 20 faiz, “göndərən bank”, “qəbul edən bank”, “konvertasiya” xərcləri 20 faiz olur. Xanım israr edirdi ki, yox siz elə Türkiyədəki Azərbaycan bank kartına atın pulu, 1000 manata 15 manat faiz ödəyib TL kimi çıxarsın”.
Nə isə… Anlata bilmədik ki, 1000 manata 200 manat çıxılır TL olaraq nağdlaşdırma zamanı.
“Bir də maraqlı bir fakt mənə məlum oldu. “Золотая Корона” pulköçürmə sistemi Azərbaycanda işləyir. Çox ölkələrdə qadağan edilsə də, Azərbaycanda işləyir. Lakin Türkiyədə də işləyir. Buna baxmayaraq «Золотая Корона»nın mobil tətbiqində yalnız bir ünvanda Ankarada “Tiryaki” Ticarət Mərkəzində bu sistem üzərindən göndərilən pulları TL olaraq almaq mümkündür”.
“Əlbəttə ki, Kapitalbank-a etiraz edib oranı tərk etdim.
Nə az getdim, nə düz getdim. Nə də dərə təpə keçdim. Gəldim “Bank Respublika”nın 200 metr məsafədə olan filalına. Növbə götürdüm. “Western Union” işləyir. Onlayn növbəyə də ehtiyac yoxdur. Müştəri kimi yaxınlaşdım və rahatlıqla pulu yolladım”.
“Nəticə bilirsiniz nədir?
Dövlətin inzibati resursları üzərində qurulan bank müştərinin qarşısına ixtisaslı, savadlı, məlumatlı kadr çıxarmaqda maraqlı deyil. Aktivlər var, depozit var, problemli kredit portfeli riskli kateqoriyaya aid deyil. Ona görə ki, krediti ödəməyən müştərinin maaş, pensiya kartından avtomatik vəsait çıxılır”.
Amma “Bank Respublika” ayaqda qalmağa çalışır. Savadlı kadrları işə götürür. Daha çox məmnuniyyətə diqqət edir.
Bank sektorunda inhisarçılıq iqtisadiyyatımızı ciddi şəkildə zəiflədir. Bank sistemi iqtisadiyyatın qan-damar sistemidir. Tıxanıb. Bir gün ya infarkt olacaq, ya da insult keçirəcək. Anju lazımdır”.
