Azərbaycanda ABŞ hərbi bazaları yoxdur, bu hücum isə İran zərbələrinin birbaşa ABŞ qoşunları ilə bağlı olmayan hədəflərə zərbələri genişləndirə biləcəyini göstərir.
Alyans.media xəbər verir ki, bu sözlər “Quardian”da nəşr olunan məqalədə bildirilib.
“Hər iki ölkədə şiələr çoxluq təşkil edir, İranda isə milyonlarla etnik azərbaycanlı yaşayır – təxminən 15-20 milyon – və onların çoxu Azərbaycanla həmsərhəd olan şimal-qərb əyalətlərində məskunlaşıb”, – nəşr yazıb.
Qeyd edək ki bu gün İran iki PUA ilə Naxçıvan aeroportuna hücum edib. Nəticədə terminal zədələnib, aeroport yaxınlığındakı məktəbdə dağıntılar olub, iki nəfər isə xəsarət alıb.
