Rocket Lab” şirkətinin çərşənbə günü kosmosa buraxdığı “Electron” raketi ABŞ Müdafiə Nazirliyinin hipersəs texnologiyaları sınaqdan keçirəcək aparatını suborbital hündürlüyə çıxarıb.
Alyans.media xəbər verir ki, “Space Launch Now” saytının məlumatına görə, məxfi uçuşunun təfərrüatları və nəticələri açıqlanmır.
Sınaq nazirliyin Raketdən Müdafiə Agentliyinin “Hypersonic Accelerator Suborbital Test Electron” (HASTE) proqramının bir hissəsi olaraq həyata keçirilib.
Raket NASA-nın Virciniya ştatının Atlantik okeanı sahilindəki Uollops adasında yerləşən eyniadlı kosmodromdan fəzaya qalxıb.
Bu, HASTE proqramı çərçivəsində hipersəs texnologiyalarının yeddinci sınağıdır. Birinci sınaq 2023-cü ilin iyun ayında həyata keçirilib.
