Çin Xalq Respublikası tezliklə ABŞ-la münaqişəsində İranı dəstəkləməyə başlaya bilər.
Alyans.media xəbər verir ki, “CNN”in məlumatlı mənbələrə istinadən yaydığı məlumata görə, Pekin Tehrana maliyyə yardımı göstərməyi, eləcə də raket sistemləri üçün vacib komponentlər və ehtiyat hissələri tədarük etməyi düşünür.
Analitiklər hesab edirlər ki, bu addım Pekinin İran neftindən yüksək asılılığı ilə bağlıdır.
Mənbələrdən biri vurğulayıb ki, Çin regionda artan gərginlik onun enerji təhlükəsizliyini təhdid etdiyi üçün hərbi əməliyyatlara tez bir zamanda son qoymaqda maraqlıdır.
ABŞ Mərkəzi Kəşfiyyat İdarəsi bu məlumatı şərh etməkdən imtina edib.
