Livanda Hizbullah və İsrail arasında müharibə başlayandan bəri ölənlərin sayı 2496 nəfərə çatıb.
Alyans.media xəbər verir ki, bu barədə Livan Səhiyyə Nazirliyi məlumat yayıb.
Yaralananların sayının isə 7725 nəfər olduğu bildirilib.
Müharibəyə görə yaşayış yerindən didərgin düşmüş şəxslərin sayı 120 000-i ötüb.
Qeyd edək ki, Hizbullah və İsrail arasında hərbi qarşıdurmalar martın 2-də başlayıb.
Bir müddət sonra atəşkəs elan olunmasına və sonradan atəşkəsin uzadılmasına baxmayaraq münaqişə davam edir.
Tərəflər bir-birini atəşkəsi pozmaqda günahlandırır.
