Rusiya qüvvələri gecə həyata keçirilən kütləvi hücumdan bir neçə saat sonra Ukraynanın Dnepr şəhərini yenidən atəşə tutub və çoxmərtəbəli yaşayış binasına zərbə endirib.
Alyans.media xəbər verir.
Unian-ın məlumatına görə, Dnepropetrovsk Vilayət Administrasiyasının rəhbəri Aleksandr Qanja Telegram kanalında bildirib ki, hücum nəticəsində 1 nəfər həlak olub, 7 nəfər isə yaralanıb. Yaralılara tibbi yardım göstərilir.
Rəsmi məlumatlara görə, zərbə gecə də hədəf alınmış eyni yaşayış məhəlləsinə düşüb və ərazidə əlavə dağıntılar qeydə alınıb.
***
11.02
Rusiya qüvvələri gecə boyu Ukraynanın Dnepr və digər şəhərlərinə kütləvi hücum edib.
Unian-ın məlumatına görə, hazırda 4 nəfərin öldüyü, 30 nəfərin yaralandığı bildirilir. Yaşayış binasına edilən zərbə yerində xilasetmə əməliyyatları davam edir və dağıntılar altında hələ də insanların qala biləcəyi ehtimal olunur.
Dnepr ilə yanaşı, Çerniqov, Odessa və Xarkov vilayətlərində də zərərçəkənlər var. Hücumlar zamanı zərbə dronları, qanadlı raketlər və çoxlu sayda ballistik silahdan istifadə olunub. Hədəflərin əksəriyyəti şəhərlərdə mülki infrastruktur olub – yaşayış binaları, enerji obyektləri və müəssisələr zərər görüb.
