ABŞ-də baş verən hadisə dünya ictimaiyyətinin diqqətini çəkib.
Alyans.media xarici KİV-ə istinadən xəbər verir ki, Kolorado ştatının Penrose şəhərindəki “Təbiətə Qayıdış” dəfn evinin sahibi Con Hallford qonşuları tərəfindən məhkəməyə verilib. Buna səbəb sözügedən dəfn evindən pis qoxunun gəlməsi olub.
Hüquq-mühafizə orqanlarının əməkdaşları “pis qoxu” barədə məlumatlardan sonra 230 kvadratmetrlik dəfn evinə tənəffüs cihazlarından istifadə edərək basqın ediblər.
Araşdırmalar zamanı evdən 189 çürümüş insan meyiti çıxıb. Məlum olub ki, kişi 2019-2023-cü illər arasında ölmüş insanları dəfn etməyib və mərhumun ailəsinə boş tabut, kül verib.
Hakim qarşısına çıxan Hallford onlarla meyiti hansı səbəbdən istismar etdiyini açıqlamayıb. Məhkəmə qərarına əsasən, dəfn evinin sahibi 40 il azadlıqdan məhrum edilib.
