Birləşmiş Ərəb Əmirliklərində yerləşən Dubay Beynəlxalq Hava Limanı yaxınlığında dron hücumu nəticəsində yanacaq çənində güclü yanğın baş verib. Hadisə səbəbindən hava limanında uçuşlar müvəqqəti olaraq dayandırılıb.
Alyans.media bu barədə xarici mətbuata istinadən xəbər verir. Beynəlxalq agentliklərin məlumatına görə, pilotsuz uçuş aparatı hava limanının yaxınlığındakı yanacaq anbarına dəyib və nəticədə böyük yanğın başlayıb. Təhlükəsizlik məqsədilə hava limanında fəaliyyət qısa müddətlik dayandırılıb və bəzi reyslər alternativ hava limanlarına yönləndirilib.
Dubay Mülki Aviasiya İdarəsi daha sonra bildirib ki, vəziyyət nəzarət altına alındıqdan sonra uçuşlar tədricən bərpa olunmağa başlayıb. “Emirates” və “flydubai” kimi aviaşirkətlər məhdud sayda reyslərlə fəaliyyətlərini yenidən davam etdiriblər.
Hadisədən sonra bəzi beynəlxalq aviaşirkətlər Dubaya uçuşları müvəqqəti olaraq ləğv edib və ya təxirə salıb. Bir sıra reyslər isə Al Maktoum Beynəlxalq Hava Limanı və digər regional hava limanlarına yönləndirilib.
