Alyans.medianın məlumatına görə, “Etihad” stadionunda keçirilən qarşılaşmada “Mançester Siti” “Arsenal”ı 2:1 hesabı ilə məğlub edib.
Oyunda hesabı 16-cı dəqiqədə Rayan Çerki açıb və ev sahibini önə keçirib. Lakin iki dəqiqə sonra Kay Havertz fərqi aradan qaldıraraq tarazlığı bərpa edib. Matçın 65-ci dəqiqəsində Erlinq Holannın vurduğu qol “Siti”yə qələbəni qazandırıb.
Bu nəticədən sonra “Mançester Siti” 32 oyundan 67 xal toplayaraq turnir cədvəlində ikinci pillədə qərarlaşıb. “Arsenal” isə ardıcıl ikinci məğlubiyyətini almasına baxmayaraq, 33 oyundan 70 xalla liderliyini qoruyub.
Komandaların növbəti oyunları müvafiq olaraq belə olacaq: “Mançester Siti” 22 aprel tarixində səfərdə “Börnli” ilə, “Arsenal” isə 25 apreldə evdə “Nyukasl”la qarşılaşacaq.
