Ötən gün Qubada baş verən ağır yol-nəqliyyat hadisəsi zamanı yaralananlardan bir nəfər ölüb.
Alyans.media xəbər verir ki, aprelin 20-si axşam saatlarında rayonun Dəlləkli kəndi ərazisində “Chevrolet” markalı minik avtomobili yoldan çıxaraq ağaca çırpılıb.
Qəza zamanı avtomobildə olan 4 nəfər müxtəlif dərəcəli bədən xəsarətləri alıb. Yaralılar təcili tibbi yardım maşını ilə Quba Rayon Mərkəzi Xəstəxanasına çatdırılıblar.
Həkimlərin səylərinə baxmayaraq, qəzada ağır yaralanan 41 yaşlı Vüqar Zərbalıyevin bu gün səhər saatlarında ölüb.
Digər yaralıların müalicəsi tibb müəssisəsinin travmatologiya şöbəsində davam etdirilir.
Faktla bağlı araşdırma aparılır.
