Alyans.media Maliyyə Nazirliyinin məlumatlarına istinadən xəbər verir ki, 1 aprel 2026-cı il tarixinə olan məlumata görə, Azərbaycanın zəmanətli dövlət borcu 6,76 milyard manat (3,98 milyard dollar) və ya ÜDM-in 5,2%-ni təşkil edib.
Zəmanətli dövlət borcunun həcmi ötən ilin sonuna olan göstərici ilə müqayisədə 34,8% azalıb.
Borc strukturunda 5,19 milyard manat (3,05 milyard dollar) və ya 76,7%-i xarici kreditlərin, 1,58 milyard manat (929,4 milyon dollar) və ya 23,3%-i isə daxili borcların payına düşür.
1 aprel 2026-cı il tarixinə dövlət zəmanətli borc portfelinin təxminən 40,1%-i sabit faiz dərəcəsi ilə, 59,5%-i isə üzən faiz dərəcəsi ilə öhdəliklərdən ibarət idi.
Borcun valyuta strukturu aşağıdakı kimi paylanmışdır: ABŞ dolları – 47%, avro – 25,5%, manat – 19,4%, yapon yeni – 2,7%, digər valyutalar – 5,4%.
