Bu gün “Alyans.media” xəbər portalının əməkdaşları tanınmış teleaparıcı Nuranə Gülərin dəvəti ilə “Kanal S” telekanalında yayımlanan “Çıxış Yolu” proqramının qonağı olublar.
İlaxır çərşənbəsi münasibətilə təşkil olunan proqramda “Alyans.media”nın Baş redaktoru Aynurə Quliyeva və redaktoru Emil Müzəffərli iştirak edərək bayramın ruhuna uyğun səmimi müzakirələr aparıblar. Veriliş zamanı milli adət-ənənələr, Novruzun cəmiyyətimizdəki yeri və media sahəsinin rolu ətrafında fikir mübadiləsi aparılıb.
“Alyans.media” kollektivi olaraq, göstərilən diqqət və dəvətə görə teleaparıcı Nuranə Gülərə və “Kanal S” televiziyasının yaradıcı heyətinə dərin təşəkkürümüzü bildiririk. Bu cür təşəbbüslər media nümayəndələri arasında əməkdaşlığın güclənməsinə və milli dəyərlərimizin daha geniş təbliğinə mühüm töhfə verir.
Bir daha İlaxır çərşənbəsi münasibətilə hər kəsi təbrik edir, xalqımıza xoş, firavan və uğurlu günlər arzulayırıq.
