İranın xarici işlər naziri Abbas Əraqçi azərbaycanlı həmkarı Ceyhun Bayramovla telefon danışığı baş tutub.
Alyans.media xəbər verir ki, bu barədə “Khabar Fouri” portalı məlumat yayıb.
Məlumata görə, diplomatlar regionda baş verən hadisələri və ikitərəfli münasibətləri müzakirə ediblər.
Telefon danışığı zamanı Əraqçi vurğulayıb ki, beynəlxalq hüquqa görə, heç bir dövlət başqa bir ölkəyə qarşı təcavüzkar hərəkətlər üçün öz ərazisini başqalarının istifadəsinə verməməlidir:
“İranın müdafiə xarakterli cavab tədbirləri yalnız təcavüzkarlara və İrana qarşı hücumlar üçün istifadə olunan hərbi bazalara yönələcək”.
Xatırladaq ki, fevralın sonunda başlayan hərbi əməliyyatlardan bəri İran tərəfi qonşu ölkələrin bu münaqişədə tərəfsiz qalmasının vacibliyini dəfələrlə qeyd edib.
