Amerika Birləşmiş Ştatlarından yola çıxan nəhəng kruiz gəmisində “Norovirus” epidemiyası qeydə alınıb.
Alyans.media xarici mediaya istinadən xəbər verir ki, “Caribbean Princess” gəmisi Fransanın Bordo şəhərinə çatdıqdan sonra bir nəfərin həyatını itirdiyi, 1700-dən çox şəxsin isə karantinə alındığı bildirilib.
Gəmidə “Norovirus”un yayılması nəticəsində 102 sərnişin və 13 ekipaj üzvü xəstələnib. ABŞ mediasının məlumatına görə, gəmi 28 apreldə səfərə çıxaraq Dominikan Respublikası istiqamətində Şimal-Qərbi Atlantik okeanında hərəkət edirdi.
Mütəxəssislərin sözlərinə görə, “Norovirus” mədə-bağırsaq sistemini zədələyən və çox sürətlə yayılan infeksiyadır. Virus əsasən güclü qusma, ishal, qarın ağrısı və susuzlaşma ilə müşayiət olunur. Ağır hallarda həyati təhlükə yarada bilər.
Bəzi xəstələrdə intensiv qusma nəticəsində qabırğa sınıqları da müşahidə oluna bilər.
“Norovirus” yoluxmuş şəxslərin qusuntusu və ya nəcisi ilə təmas, çirklənmiş qidalar, ortaq istifadə olunan mətbəx avadanlıqları və müxtəlif səthlər vasitəsilə yayılır.
