Milli Onkologiya Mərkəzində baş vermiş partlayış nəticəsində ağır xəsarət alan həkim-radioloq Asif Nəsirli vəfat edib.
Alyans.media xəbər verir ki, bu haqda jurnalist Alçina Amilqızı məlumat verib.
Qeyd edək ki, vəfat edən həkim Asif Nəsirli 1999-2005-ci illərdə Azərbaycan Tibb Universitetinin Müalicə-profilaktika fakültəsində təhsil alıb.
O, 2005-2006-cı illərdə Milli Onkologiya Mərkəzində internatura, 2006-2008-ci illərdə isə kliniki ordinatura pilləsini keçib.
A.Nəsirli 2008-ci ildən Milli Onkologiya Mərkəzinin Şüa terapiyası şöbəsində və Uşaq klinikasında radiasiya onkoloqu vəzifəsində çalışıb.
