“Report” un
Alyans.media Reporta istinadən xəbər verir ki, bu barədə “RBC Ukraine” agentliyindən məlumat verilib, Ukrayna Silahlı Qüvvələri aprelin 19-da Taqanroqdakı “Atlant Aero” zavoduna “Neptun” raketləri ilə zərbə endirib və zavodun bir neçə istehsal binasını məhv edib.
Baş Qərargah bildirib ki, “19 aprel 2026-cı ildə Ukraynanın “Neptun” qanadlı raketlərinin Rusiya Federasiyasının Rostov vilayətinin Taqanroq şəhərindəki “Atlant Aero” müəssisəsinə endirdiyi zərbənin nəticələri yenilənib: iki istehsal müəssisəsinin dağıdılması və daha dörd müəssisəyə dəyən ziyan təsdiqlənib”.
Bəyanata görə, Atlant Aero şirkəti “Molniya” tipli zərbə-kəşfiyyat PUA-larının, eləcə də “Orion” dronları üçün komponentlərin tam dizayn, istehsal və sınaq dövrünü həyata keçirir.
Baş Qərargah əlavə edib ki, “bu müəssisəyə zərbə endirmək düşmənin Ukraynadakı mülki hədəflərə hücum etmək qabiliyyətini azaldacaq”.
Bundan əlavə, 22 aprel 2026-cı ildə Sevastopolda Rusiya FSB Sərhəd Xidmətinin 22460 Layihəsi patrul gəmisinə edilən hücumdan sonra gəminin döyüş idarəetmə məntəqəsinə dəyən ziyan təsdiqlənib.
