“Bizim kifayət qədər vaxtımız var və nəyin bahasına olursa-olsun saziş bağlamaq niyyətində deyilik”.
Alyans.media xəbər verir ki, bu bəyanatla ABŞ-ın müharibə naziri Pit Heqset çıxış edib.
Pentaqon rəhbərinin digər mühüm açıqlamaları aşağıdakı kimidir:
Bir neçə gündən sonra ikinci aviadaşıyıcı blokadaya qoşulacaq və bu blokada artıq qlobal xarakter alıb. İran silahlı qüvvələri faktiki olaraq pirat dəstəsinə çevrilib. İranlıların son günlərdə ələ keçirdiyi bir neçə gəmi nə ABŞ-a, nə də İsrailə məxsusdur – onlar sadəcə təsadüfi gəmilərdir. Kiçik sürətli qayıqlarla yaxınlaşıb gəmiləri “Kalaşnikov” avtomatlarından atəşə tutublar. Qayığı, silahı və pis niyyəti olan hər kəs bunu edə bilər.
Komandirlərimiz üçün döyüş aparmaq qaydaları aydındır: əgər İran suya minalar düzərsə və ya hər hansı başqa yolla ABŞ-ın ticarət gəmiçiliyinə və ya qüvvələrinə təhlükə yaradarsa, biz onları məhv etmək üçün atəş açacağıq.
Biz Avropaya ümid etmirik, lakin Hörmüz boğazı onlara bizdən daha çox lazımdır. Bəlkə də onlar daha az danışmalı, Avropada pafoslu konfransların sayını azaltmalı və özləri gəmiyə minib hərəkətə keçməlidirlər. Bu, bizdən daha çox onların döyüşüdür. Avropa və Asiya onilliklər boyu bizim müdafiəmizdən bəhrələnib. Amerikanın və azad dünyanın qabiliyyətli və sadiq müttəfiqlərə ehtiyacı var. Pulsuz gəzinti (istifadə) dövrü artıq başa çatdı.
