Alyans.media Şərq mediasına istinadən xəbər verir ki, pilotsuz uçuş aparatı (PUA) Küveyt ərazisində, İraqla sərhəddə yerləşən iki sərhəd-keçid məntəqəsinə hücum edib .
Küveyt ordusunun açıqlamasına görə, hücum bu gün səhər tezdən baş verib və xəsarət alan olmayıb. Həmçinin qeyd edilib ki, PUA-lar İraq ərazisindən buraxılıb, lakin PUA-ların hansı ölkəyə məxsus olduğu müəyyən edilməyib.
“Bu gün səhər tezdən Küveytin şimal sərhəd məntəqələrindən ikisinə İraqdan buraxılan və fiber-optik kabellər vasitəsilə idarə olunan iki partlayıcı maddə ilə yüklənmiş PUA-nın iştirak etdiyi cinayətkar hücum edilib. Nəticədə maddi ziyan dəyib, lakin itki olmayıb”, – deyə açıqlamada bildirilib.
