Son günlər efir qadağası tətbiq edilən müğənnilər sırasında adının çəkildiyi iddia olunan sənətçi Ayan Babakişiyeva yenidən gündəmə gəlib. İddialara görə, onun bəzi telekanallarda efirə çıxışına məhdudiyyət qoyulduğu bildirilirdi. Lakin görünən odur ki, bu iddialar öz təsdiqini tapmayıb.
Alyans.media xəbər verir ki, bu gün Ayan Babakişiyeva ATV telekanalında yayımlanan verilişlərdən birinin qonağı olub.
Müğənninin efirdə görünməsi isə efir qadağası ilə bağlı səsləndirilən fikirlərin yenidən müzakirə olunmasına səbəb olub.
Sənətçinin proqramda iştirakı sosial şəbəkələrdə də diqqətdən qaçmayıb və istifadəçilər bu məsələ ilə bağlı müxtəlif fikirlər səsləndiriblər. Bununla da onun efir qadağası ilə bağlı yayılan xəbərlərin nə dərəcədə doğru olduğu sual altında qalıb. (Milli.Az)
