Meksikanın Quanaxuato ştatının Salamanka şəhərində keçirilən həvəskar futbol matçı faciəyə çevrilib.
Xüsusi.Tv xəbər verir ki, hakimiyyət orqanlarının məlumatına görə, naməlum silahlı şəxslər tərəfindən həyata keçirilən silahlı hücum nəticəsində 11 nəfər ölüb, 12-si yaralanıb.
Bildirilib ki, iki pikapla gələn silahlı şəxslər oyunçulara və tamaşaçılara atəş açıblar. Nəticədə on nəfər hadisə yerində, biri isə xəstəxanada ölüb. Yaralılar xəstəxanalara aparılıb.
Salamanka meri Sezar Prietounun sözlərinə görə, cinayətkarların tapılması üçün əməliyyat başladılıb.
