İndoneziya və Avstraliya müdafiə sahəsində əməkdaşlığı genişləndirmək barədə razılığa gəlib. Tərəflər yeni təhlükəsizlik təşəbbüsünə Yaponiya və Papua Yeni Qvineyanı da daxil etməyi planlaşdırır.
Alyans.media xəbər verir ki, bu barədə İndoneziyanın müdafiə naziri Prabovo Subianto Avstraliyanın müdafiə naziri Richard Marles ilə Cakartada keçirilən görüşdən sonra məlumat verib.
Nazirin sözlərinə görə, tərəflər üçtərəfli əməkdaşlıq mexanizmləri yaratmağı planlaşdırır. Bir model İndoneziya-Avstraliya-Yaponiya, digəri isə İndoneziya-Avstraliya-Papua Yeni Qvineya arasında təhlükəsizlik əməkdaşlığını nəzərdə tutur.
Eyni zamanda Şimali Maluku əyalətində yerləşən Morotai adasında gələcəkdə beynəlxalq hərbi təlim mərkəzinin yaradılması da müzakirə olunur. Ekspertlər bildirirlər ki, bu təşəbbüs Hind-Sakit okean regionunda artan geosiyasi gərginlik fonunda təhlükəsizlik əməkdaşlığını gücləndirməyə yönəlib.
Sevinc Yarməmmədova
