Yeni aparılan klinik araşdırma şirin qidaların azaldılmasının nə insanın şirinliyə olan istəyini azaltdığını, nə də sağlamlıq göstəricilərini yaxşılaşdırdığını ortaya qoyub.
Alyans.media xarici KİV-ə istinadən xəbər verir ki, araşdırma zamanı iştirakçılar iki qrupa bölünüb: bir qrup daha çox şirin qidalar qəbul edib, digər qrup isə şirinliyi məhdudlaşdırıb. Lakin hər iki qrupda şirin qidalara olan maraq və zövq dəyişməz qalıb.
Bundan əlavə, altı ay davam edən müşahidələr zamanı ürək-damar xəstəlikləri və diabet riski ilə bağlı göstəricilərdə də əhəmiyyətli fərq qeydə alınmayıb. İştirakçıların çəkisi və ümumi sağlamlıq vəziyyəti də oxşar olub.
Araşdırma həmçinin göstərib ki, bir çox insan zaman keçdikcə yenidən əvvəlki qidalanma vərdişlərinə qayıdır. Bu isə uzunmüddətli pəhriz dəyişikliklərinin davamlı olmadığını göstərir.
