İranın xarici işlər naziri Abbas Əraqçi Pakistanın xarici işlər naziri İshaq Dar və Pakistan Silahlı Qüvvələrinin rəisi Asim Munir ilə ayrı-ayrılıqda telefon danışığı aparıb.
Alyans.media xəbər verir ki, bu barədə İran mediası ölkənin Xarici İşlər Nazirliyinə istinadən məlumat yayıb.
Danışıqlar zamanı tərəflər regionda baş verən son hadisələri, atəşkəs məsələlərini və ABŞ ilə İran arasında dialoqun qurulması üçün İslamabadın göstərdiyi cari diplomatik səyləri müzakirə ediblər.
Əraqçi bu proseslərin asanlaşdırılmasında Pakistanın ardıcıl və konstruktiv rolunun mühüm əhəmiyyət kəsb etdiyini xüsusi vurğulayıb.
