Ukrayna Prezidenti Vladimir Zelenski bildirib ki, Rusiya döyüş meydanında irəliləyiş əldə edə bilmədiyi üçün Ukraynanın vacib infrastrukturuna hücumları artırır.
Alyans.media xəbər verir ki, Zelenski bu sözləri aprelin 26-da Kiyevdə Moldova prezidenti Maya Sandu ilə birgə mətbuat konfransında deyib.
O, Rusiya qüvvələrinin enerji, logistika, su təchizatı və nəqliyyat infrastrukturunu, xüsusən də dəmir yolu qurğularını və körpüləri hədəf aldığını söylədi.
Zelenski bildirib ki, bu cür hərəkətlər Ukraynanın beynəlxalq tərəfdaşlarına təzyiq göstərmək və danışıqlar proseslərinə təsir göstərmək məqsədi daşıyır.
O əlavə edib ki, Kiyev beynəlxalq yardımı öz müdafiə istehsalının inkişafına və enerji sisteminin qorunmasına yönəltməyi planlaşdırır.
